Ophunzira asanu ndi mmodzi (6) apa sukulu ya sekondale ya Eagles Academy ku Area 24 ku Lilongwe lero alephela kuyamba kulemba nawo mayeso a fomu 2 pomwe malipoti akusonyeza kuti mkulu wa sukuluyi adadya ndalama zawo zamayeso zokwana K172,000.

Ophunzirawa akuti mmawawu anali pa gulu la anzawo kuti alembe mayesowa, koma anadabwa kumva kuti ziphaso zawo panalibe komanso mayina awo samapezeka mkaundula wa ana ovomelezeka ndi bungwe la MANEB kulemba mayesowa.

Zitachitika izi ophunzirawa akuti anakauza makolo awo omwe anakamang’ala ku polisi ya Area 24.

Wachiwiri kwa mneneri wa apolisi mchigawo chakuzambwe chapakati a Foster Benjamin,wati atamva izi apolisi anachita machawi ndikafukufuku wawo yemwe wapeza kuti mkulu wa sukuluyi a Desmond Chidandale a zaka 30 akukhudzidwa ndi kusowa kwa ndalamazi zomwe anawa adalipira kuti alembe mayeso koma iwo sadalipire ku bungwe la MANEB.

A Chidandale awatsegulira mlandu ochita zachinyengo.