Apolisi m’boma la Machinga amanga anthu atatu pa mlandu wogwililira kamba koti anthuwo anakwatila atsikana achichepere m’bomalo.
Shukurani Innusa wa zaka 21 anakwatila mtsikana wa zaka 15 wa kalasi ya Std 8 pa sukulu ya pulayimare ya Chikala
Araton Patel wa zaka 19 anakwatila mtsikana komanso anapereka mimba kwa mtsikanayo yemwe ndi wakalasi Std 5 pa sukulu ya pulayimare ya Puteya ndipo mtsikanayo ali ndi mimba ya miyezi itatu.
Yona Chimtengo wa zaka 18 anakwatila mtsikana wa zaka 15 wophunzira pa sukulu ya pulayimare ya Puteya wa kalasi ya Std 5.
Wa polisi wogwira ntchito ku polisi ya m’bomalo a Inspector Roster Milanzi atsimikiza za kumangidwa kwa anthuwo ndipo anati dzana la chisanu anamanga anthuwo pomwe amkayenda nkhomo ndi nkhondo pofuna kuthetsa nchitidwe wokwatitsa ana achichepere dera la mfumu yayikulu a Kawinga komanso mfumu Chamba.
Inussa amachokera m’mudzi mwa Kawanula, Patel amachokera m’mudzi mwa Adamu pomwe Chimtengo amachokera m’mudzi mwa Chisese dera la mfumu yayikulu a Chamba.
