Kalata yama dando bweletsani kwaine – Bwanankubwa.

Bwanankubwa wa boma la Lilongwe Lawford Palani wapeleka chilolezo kwa gulu la omenyera ufulu omwe akufuna kuchita zionetsero sabata ya mawa

Kudzera mu kalata yomwe bwanankubwayi walemba yapempha ochita zionetserowa kuti adzasunge bata, asadzanyamule zida komanso adzavale moyenerera

Komabe, a Palani auza anthuwa kuti kalata yomwe akufuna kukapeleka kwa mtsogoleli wa dziko lino Dr. Lazarus Chakwera, idzapelekedwe kwa iwowa

Izi zikusemphana ndi zomwe gululi linapempha kuti likasiye kalatayi ku nyumba ya chimfumu ya mtsogoleli wa dziko lino

Mu gululi muli atsogoleli monga a Joshua Chisa Mbele, Silvester Namiwa, Bon Kalindo komanso a Phunziro Mvula

Zionetserozi zikuyenera kuchitika lachisanu lino pa 28 October.